للمرة الثانية على التوالي، يقوم الشاعر أمير طعيمه بالدفاع عن الفنانة دنيا سمير غانم، لكن هذه المرة في مواجهة جمهور الفنان عمرو دياب الذي هاجم دنيا بعدما وزّعت بيانًا صحفيًا اكدت فيه تفوق أغنيتها quot;قصة شتاquot; على جميع أغاني دياب في نسبة الاستماع عبر يوتيوب.

القاهرة : للمرة الثانية على التوالي يتدخل الشاعر أمير طعيمه للدفاع عن المطربة الشابة دنيا سمير غانم، لكن هذه المرة في مواجهة جمهور الفنان عمرو دياب الذي وجّه لها انتقادات عديدة بعد توزيع الشركة المنتجة لألبومها quot;واحد تانية خالصquot;، بيانًا صحفيًا أكدت فيه تفوق أغنية quot;قصة شتاquot; على جميع أغاني الفنان عمرو دياب وتامر حسني في نسب الاستماع عبر يوتيوب بعد طرحها بأسبوع واحد فقط.

وكتب طعيمه رسالة إلى جمهور الفنان الكبير عمرو دياب قائلًا فيها quot;لما بعض الصحف بتسلط الضوء على تخطي أغنية قصة شتا بعض أغاني الفنان عمرو دياب، ده مش معناه انهم بيقولوا إن تاريخ دنيا الغنائي يتفوق علي تاريخ عمرو، دي مقارنة بين عملين فنيين لا أكثر ولا أقل، مقارنة مبنية على أرقام و مش علي أهواء، يعني لو نزل فيلم للفنان أحمد حلمي وتفوق على فيلم للعملاق عادل امام جماهيريا أو فنيا مش معنىكده ان فيه حد بيشكك في قيمة عادل إمامquot;.

وأضاف quot;لما ناقد يشوف إن فيه أغاني عند رامي جمال أفضل فنيا من بعض أغاني عمرو دياب ده مش معناه انه بيقول إن رامي أفضل من عمرو دياب في المطلق، المقارنة هنا بين أغاني عملها عمرو وأغاني عملها رامي، الأغنية ليها أضلاع سواء من كلمات و ألحان وتوزيع وهندسة صوت واخراج لو فيه فيديو و طبعا المطرب، عمرو دياب نفسه في ألبومه فيه أغاني بتتفوق على أغاني تانية رغم ان المطرب واحد وده بسبب توافق وتكامل أكبر في باقي الاضلاعquot;.

واستطرد quot;التعصب في السياسة والرياضة والفن وفي أي مجال بيضعف المجال، أنا شخصيا بحب عمرو دياب طبعا وواحد من جمهوره، وعمرو كان سبب من الاسباب اللي ربنا سببها عشان موهبتي توصل للنور، بس عمري ما بفترض ان لازم ال ١٢ أغنية بتوع عمرو دياب يبقوا أفضل ١٢ أغنية في السنة، ده مش واقع و مش حقيقة حتي لو البعض بيضحك على نفسه وبيقول كده، الفنان مش نبي ده بشر بيصيب ويخطأ في حياته فما بالك في إختياراته الفنية، ده غير ان الاهم ان فيه حاجة اسمها ذوق للجمهور وده مش حاجة هتفرضها على حدquot;.

وواصل امير حديثه قائلًا quot;بعيدا عن دوري في صناعة الأغنية أنا كمستمع في مصلحتي اني أسمع ١٠٠ أغنية حلوة في السنة ده لو بحب المزيكا والاغاني فعلا مش مجرد مستمع بحمل سلاح لقتل أي عمل فني لم يغتيه مطربي المفضل، لما بتعامل مع أي مطرب بيبقي واجبي إن أقدم له أفضل حاجة عندي، عشان انا أستمر وعشان هو يستمر وعشان انا بحترم و بقدر الموهبة اللي ربنا ادهالي والجمهور اللي في الاخر بيسمع نتيجة مجهود ممكن البعض يكون مش متخيله، الموضوع مش حرب لازم حد فيها ينتصر، الفن مش كده خالص، الفن وسيلة لاسعاد الناس، وتفوق مطرب في بداية حياته الفنية على مطرب كبير ده اسمه منافسه فنيةquot;.

وتحدث امير في تدوينته التي كتبها عبر فيسبوك أمس عن المطرب الشاب رامي جمال قائلًا: quot;بالمناسبة رغم نزول أغنية قصة شتا في نفس وقت نزول ألبوم رامي جمال، الا إن رامي يوميا بيباركلي علي أي تطور بيحصل في شغل دنيا سمير غانم، وأقسم بالله إن رامي أكتر واحد كلمني علي الاغنية دي وكان سعيد بيها لأنه شايف إنها أغنية إستثنائية تستحق التقدير والتشجيعquot;.

واختتم حديثه قائلًا: quot;حبك لمطربك المفضل أيا كان هو مين مش مبرر لكرهك لعمل فني محترم عمله مطرب آخر، إستمتع بقدر الامكان، أو علىالاقل ما تقللش من مجهود ناس وتهاجمهم لمجرد انهم اجتهدوا في عمل وكان كل هدفهم اسعادك انت وغيركquot;.