إعتذرت "أبلة فاهيتا" عن البيان الذي تبرّأت فيه من مراسلها شادي أبو زيد بعد مشاركته مع الفنان أحمد مالك في تصوير فيديو ساخر بنفخ "الواقيات&الذكرية" وتوزيعها على الجنود في ميدان التحرير خلال ذكرى ثورة 25 يناير."


القاهرة: إعتذرت الدمية الساخرة "أبلة فاهيتا" في بيانٍ ساخر أمس عن بيان التبرّؤ الذي أصدرته عبر صفحتها على "فيسبوك" من مراسل برنامجها شادي أبو زيد الذي قام بتصوير فيديو مع الفنان أحمد مالك قاما فيه بنفخ "الواقيات الذكرية" ووزعاها على رجال الشرطة في ميدان التحرير بذكرى ثورة 25 يناير. وقالت&أنها تعرضت لضغوط، فيما ردت على منتقديها، وجاء نص البيان كالتالي "بونسوار..هما كلمتين وأُرُڤوار. عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكده أنك ماتقصدش غير إنك تعبّر عن رأيك.. إنت شاب والشباب لما بيحبط بيلوش.. قلبي عندك وحضنك عندي.
عزيزي العسكري الغلبان: حقك علينا، إنت على راسنا من فوق طول مإنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش - ده شباب محبط وتقلها في الهزار.
عزيزي الشعب: أحضن نفسك، إنت مالكش غيرك.
عزيزتي حرية التعبير: متكاتفة معاكي ومش ناوية اسيبك، ده إنتي برضك يتيمة زي كارو.
أعزائي حبايبي وأعدائي: حقكم تاخدوا على خاطركم مني، البيان اللي نزل الاسبوع اللي فات كان صدمة ليا قبل مايكون صدمة ليكوا.. كنت فاكرة إني الأقوي وكلمتي هي اللي هتمشي، لكن طلع فيه الأقوى..
انا ست حرة ومابخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم انا إمتى هأنسى..
عزيزي ديوركس: إتنفخت إنت في القصة دي ..عزيزتكم مهما شتمتوها، الأبلة

&

&

بونسوار..هما كلمتين وأُرُڤوار..عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا ...

Posted by Abla Fahita on&Friday, 5 February 2016

شادي يرد:
ورد شادي بعدها بوقتٍ قصير ببيان عبر صفحته على "فيسبوك" قائلاً: "عزيزتي أبلة فاهيتا انتي مش من خصومي علشان أزعل منك أو أسامحك…خصومي هم اللي خلوا خوفك يجبرك تقولي كلام غير طبيعتك اللي انا متعود عليها…خصومي حطولك سقف على برنامجك ومانعينك تسخري من حاجات كتير كان نفسك تقوليها وقصقصوا في تقاريري لما كنت معاكي....خصومي اللي وقفوا برنامج باسم يوسف ومنعونا حتى نضحك على بلاوينا…خصومي حكموا ب٣ سنين سجن عسكري على صديقي عمرو نوهان بسبب صورة ساخرة…خصومي خطفوا مصطفى ماصوني وغيره كتير ومش عارفين مكانهم ولا عارفين هم عايشين ولا أموات…خصومي بيتهموا اي حد مختلف عنهم ليل نهار على التلفزيون بالعمالة والخيانة وبيحرضوا على قتلنا و سجننا...خصومي بيهددوا الفنان أحمد مالك "رغم اعتذاره" بعدم الظهور مجددا لأستكمال مشواره الفني بمجرد مشاركته معي في الفيديو الساخر وبيهددوني انهم هيأذوني انا وأهلي.
عزيزتي أبلة فاهيتا خصومي ضعاف و تافهين قوي وبيتقمصوا من الهزار وكيانهم بيتهز من كوميكس او فيديو ١٢٠ ثانية…فا اشطة يعني الموضوع ميستحقش الأعتذار."
&

&

&

بخصوص بيان اعتذار أبلة فاهيتا :-عزيزتي أبلة فاهيتاانتي مش من خصومي علشان أزعل منك أو أسامحك…خصومي هم اللي خلوا خوفك ...

Posted by Shady H. AbuZaid on&Friday, 5 February 2016