إصابة ملكة جمال مصر السابقة إنجي عبدالله بسرطان المخ

أعلنت ملكة جمال مصر السابقة إنجي عبدالله عن إصابتها بسرطان المخ في مرحلةٍ متقدمة برسالة كتبتها عبر حسابها على "فيسبوك"، علماً بأن إقامتها الحالية أصبحت في تركيا.

القاهرة: أعلنت ملكة جمال مصر السابقة إنجي عبدالله أنها تأكدت من إصابتها بسرطان المخ في مرحلةٍ متقدمة، بحيث لا يمكن أن تخضع لجراحة لإزالة الورم الخبيث. وكتبت عبر صفحتها الخاصة على "فيسبوك" تقول "خلاص النهارده اتأكدت ، بعد أكتر من خمس دكاتره، ورم فى المخ والنخاع الشوكي وكلهم اجمعوا انه في مكان خطر مينفعش يتشال، الحمد لله، هى صدمه كبيره ، بس انا متقبله ، ادعولي".

وبعدما نشرت عدة مواقع الكترونية أمس عن صعوبة وضعها الصحي، كتبت&رسالة جديدة لجمهورها نافية أن تكون قد نقلت إلى المستشفى ومعربة عن أملها في التعافي من المرض. وقالت: "انا بشكر كل الناس اللي سألت عني ، انا فعلا كنت محتاجه ده خصوصا وانا مش في بلدي ، بس حبيت أوضح حاجه ، ان الكلام اللي كتبته هو بالظبط اللي الدكاتره قالوه ، بس في بعض المواقع كتبت انى في مرحله يصعب فيها الشفاء، الكلام ده غلط ، كل الموضوع اني مينفعش اعمل عمليه لانه في مكان صعب ان يتعمل فيه عمليه لانه واصل للنخاع الشوكى، ومش عارفين خبيث او حميد ومش هيقدروا حتي ياخدوا عينه علشان نعرف، بس في علاج ممكن يوقف نموه او يقلله ، ومفيش حاجه قليله علي ربنا".

وأضافت "انا كتبت ادعولي، علشان محتاجه اعدي فتره العلاج بسلام مش اكتر ، وانا كويسه ومش في مستشفي، انا في البيت وحياتى طبيعيه جدا الحمد لله ، وباكل كل اللى نفسي فيه من غير تأنيب ضمير ان ده هيتخنى او مش صحي (البنات بس اللى هتفهم الكلام ده) والحمد لله انا مش متضايقه بالعكس متقبله وراضيه، بس في كلمه في حق حد لازم اقولها هي بنت انا معرفهاش شخصيا اسمها (ليديا) كان عندها عشرين سنه وهى توفت تقريبا من شهر، وكان نازل عنها اخبار كتير علي الفيسبوك، انا اتأثرت بيها اوى مش عارفه ليه، وكنت وبقرا اي حاجه تنزل عنها، وميريام جورج مره نزلت لينك لقاء للبنت دي فى الراديو قبل ما تتوفي بسنه، كل الكلام ده قبل ما اعرف اى حاجه عندي، المهم دخلت وسمعتها لمده ساعه بتتكلم عن مرضها وهى بتضحك وسعيده وراضيه وحاسه طول الوقت ان ربنا معاها وقالت انا بحاول اوصل رساله للناس.

واستطردت "أنا بصراحه استغربت هى ازاي كده ، يا رب ازاي الواحد يكون عنده القوه دي، انوا يواجه حاجه صعبه كده ويكون راضي ومش بس راضى لا يكون سعيد وكأن مفيش حاجه. الموضوع اخد منى وقت واتأثرت بيها و بكلامها، بس بعد كام يوم الموضوع عدي ونسيت. بس لما عرفت اللي عندي في الاول اتصدمت وبجد كنت خايفه اوي بس مش عارفه ليه افتكرت البنت دي وافتكرت كلامها، وانا في حاله نفسيه صعبه، وفي عز خوفى قلت يارب اديني قوه البنت دي، وكنت كل ما احس بخوف ادعي نفس الدعاء، والله العظيم بعدها انا حسيت ولا كأن في اي حاجه، وكان لما اى دكتور جديد يأكد نفس الكلام كنت ببقي عاديه خالص، وانزل من عنده اخرج اتفسح اعمل شوبنج او اكل حاجه مكنتش باكلها علشان ممكن تتخني ، المهم انا وقتها ما فهمتش يعني هى ايه هي بتوصل رساله، بس انا دلوقتي فهمت ، واحب اقولك يا (ليديا) رسالتك وصلتني وشكرا بجد لانها مش بس فرقت معايا لا دي غيرت حاجات كتير اوى جوايا ، انا كويسه اكتر من اي وقت وعندي امل وحاسه انها فتره وهتعدي، ومش مهم خالص اي ظروف صعبه الواحد ممكن يعدي بيها المهم بجد انك تقرر تعيشها ازاي وهما اختيارين بس ، الاول كلنا عارفينه لانه سهل بس هيخلي حياتك وحياه اللي حوإلىك صعبه اوى ، والتاني انك تكون زي البنت دي( ليديا )اللي مبطلتش تضحك لاخر يوم ، انابجد كويسه ومتأكده انها مرحله وهتعدي".

يُذكر أن&"عبد الله" كانت&قد ارتبطت بالقائم العام بالأعمال التركي في مصر بعد قصة حب، فيما ابتعدت عن التمثيل منذ عدة سنوات وانتقلت مؤخراً للإقامة في تركيا.