نيفين عماره
&
&
&
شهر رمضان اكثر المواسم أهمية وتنافسية بالنسبة لصانعي الإعلانات فلم تعد الإعلانات مجرد وسيلة للترويج لبعض المنتجات بل أصبحت مرآه تعكس واقعنا ،وكنتيجة طبيعية لسيل الاعلانات التى شهدناها دار فى مخيلتى الاعلان التالى بمناسبه اقتراب العيد وذلك بعد ان تحولت الاعياد فى بلادنا من عيد فطر وأضحي ''لمواسم للتحرش''
&
''قررت أفضل قاعدة في البيت طول العيد أنا خايفة أنزل الشارع في الوقت ده''
''أنا مش هفضل طول عمري أقضي العيد في البيت من الخوف..طيب اعمل ايه؟!''
بمناسبة ''موسم التحرش'' معانا هتلاقى كل وسائل الامان من اجلك سيدتى احضرنا
• الامريكان ستيك (العصا الحديدية) الشهيرة بقوتها فى الدفاع عن النفس وليست مجرمة قانونيا بسعر 150 جنية فقط لاغير
• سيلفى اسبراى اصلى الحجم الكبير يسبب عمى مؤقت من 30 الى 40 دقيقة ويسبب إغماء إذا زادت الجرعة (للعلم مش زى اى سيلفى وجبار فى قوته) و ب 200 جنية فقط لاغير
• أصغر إلكتريك فى السوق سهل جدا فى حمله وإخفاؤه الإلكتريك الحريمى رقم واحد فى مصر ومعاه كشاف وجراب وسعره مفاجأة 150 جنية
• وعشانك مخصوص جبنا لك الجديد خاتم التحرش مطلى ضد الصدأ .. الخاتم يعمل على إرباك المتحرش بضربه بشكل مفاجئ فى الوجه وينتج عنه علامة مميزه فى الوجه تستطيعين بها التعرف على المتحرش ..خاتم التحرش.. وسيله فعاله صغيرة الحجم ولا يستغرق استخدامه وقتا طويلا كل ما تحتاجينه حركه يد سريعة وقويه فى وجه المتحرش .
&
وكده خلص الاعلان ......
&
ادعوا الله ان ينجينا ويمر العيد بلا تحرش ..و كل عام وانتم بخير
&
التعليقات